Dolomites Bike Day.

Nasciü tl 2017 y organisé dales asozaziuns turistiches de Reba y Alta Badia, le Dolomites Bike Day é tra i maius evënc tl monn dla roda tles Dolomites. La manifestaziun é punsada por amanc dla roda de vigni livel y la partezipaziun é debann. L percurs dl bike day arjunj 3 jus che á fat la storia dl ziclism talian y che raprejënta ince pert di jus dla famoja Maratona dles Dolomites. Valparola, Falzares y Ciaulunch é i inoms che ne á degun debojëgn de presentaziuns y che porta la manifestaziun a ester unica te sûa sort.

L sit web é l resultat de na buna colaboraziun cun l cliënt te chëra che i á porvé da dé nü am ala presënza online dla manifestaziun ziclistica. Pian ia da na nöia architetöra di contignüs ái realisè n screen design che respet la corporate identity dl brand y che tol ite perts interatives, informatives y emozionales adoran n lingaz visif modern. L resultat é na esperiënza de navigaziun emozionanta che cunsënt ai partezipanc de se informé a 360 gradi sön la manifestaziun, de antizipé val emoziuns dades dal percurs y de prenoté döt ci che an adora por na vacanza memorabla sön les dös rodes.